فى يوم من ذات الايام كنت قاعدة ع المكتب فى الشغل وعلى المكتب المجاور قاعد واحد زميلى اسمه احمد .. دخلت كول واتسحلت فيها شوية بعدين انتبهت فجأة لقيت احمد ده مدور كرسيه وباصص لى ومتابعنى بانبهار .. بقول له فيه ايه؟ قال لى انتى اللى فيه ايه؟ السماعة على ودنك وكل شوية تفتحى الموبايل، بعدين تمسكى كتاب تقريه، بعدين تبصى فى اللابتوب شوية، بعدين ترجعى للموبايل. فرك فرك فرك وكل ده فى ١٠ دقايق!
انا بعتبر ان احمد ده هو اول حد شخصى بال adhd رغم ان هو شخصيا لحد النهاردة غالبا ميعرفش الموضوع ده ويمكن كمان ميكونش عارف ايه هو ال adhd 😀.. وانا كمان فى اللحظة دى مكونتش اعرف حاجة اوى عن الموضوع.
اللى حصل بعدها وفى نفس السنة تقريبا ان انا لسبب ما اتكعبلت فى فيديو بيتكلم عن ال adhd عند الاطفال .. وكأى ام قلوقة ابتديت افكر هل ممكن صوفيا يكون عندها adhd مثلا وانا مش واخدة بالى؟ ابتديت اقارن الاعراض المعروفة بتصرفات البنت .. وكانت المفاجأة والصدمة الكبيرة!!! .. انى اكتشفت ان دى تصرفاتى انا مش هى!!!!!!!
ايوة انا اللى اندفاعية وباخد قرارات سريعة جدا، يعنى مثلا ممكن تطلع فى دماغى اسافر بكرة الصبح هاخد شنطتى واسافر، ممكن ابقى معدية قدام محل واقرر اشترى حاجة بمبلغ محترم من غير حتى ما ادور فى السوق واعرف الاختيارات التانية والاسعار زى ما اغلب الناس بتعمل.
انا اللى مش بعرف اركز فى حاجتين فى نفس الوقت، يعنى لو مركزة فى الموبايل مش هسمعك حتى لو قعدت تتكلم جنبى ساعتين، وفى نفس الوقت لو مركزة فى حاجة بتعصب جدا لو حد قاطعنى وفقدت تركيزى لان فكرة انى "مركزة" دى بتعب اوى عشان اوصل لها فيا ويلك يا سواد ليلك لو بوظتها!
انا اللى عندى مشكلة فى ال auditorial instructions او التوجيهات السماعية فلو وقفت اسأل على اتجاهات الطريق وحد قال لى شمال فى يمين فى شمال هنسى كل اللى اتقال بعدها بثانية وهقف اسأل تانى وتالت ورابع.
انا اللى مش بعرف اركز فى الترينينج او لما بدخل كول زى اللى كنت فيها فى الشغل دى لازم تلاقينى بعمل مليون حاجة مختلفة وانا قاعدة بسمع عشان فى الواقع اللعب فى حاجة تانية ده هو اللى بيخلينى اركز فى اللى بيدخل ودانى (مش قلتى مبتركيز فى حاجتين فى نفس الوقت؟ لا .. القراية غير السمع .. وحسب انا محتاجة اركز على انهى فيهم 🤷🏻♀️ لا تعليق!)
انا اللى بتضايق من اصوات معينة (وكتيرة) زى خروشة الاكياس وطرقعة الصوابع والاصوات العالية بوجه عام.
انا اللى اعصابى بتفلت بصورة اطرادية عكسية تتناسب مع فترة الانتظار المفروضة عليا .. انتظار دورى فى البنك او عيادة الدكتور او حتى انتظارى ليك انك تقول جملة مفيدة او حكاية مترابطة!
انا اللى بقاطعك فى نص الكلام لان سرعة تفكيرى اسرع بكتير اوى من قدرتك على تحويل افكارك لكلمات خارجة من بقك! (سورى 🤷🏻♀️).
انا اللى بتعصب لو حد فتح نور مباشر قدام عينى وبفضَّل دايما اقعد فى اماكن باضاءة خافتة او غير مباشرة.
انا اللى ممكن لو خارجة اطلع وانزل من البيت ٥ او ٦ مرات عشان كل مرة نسيت حاجة. انا اللى اشهر جملة بقولها لصوفيا كل يوم هى: "نضارتى فين"، تليها شهرة جملة "موبايلى فين" وعلى طول مسقطة اشيائى والبنت الغلبانة ماشية تلم ورايا.
انا اللى ممكن ادخل المطبخ عشان احط كوباية فى الحوض ومطلعش منه غير بعد ساعة عشان ببص فى الحوض الاقى مواعين فاغسلها، واثناء الغسيل بفتكر حاجة فى التلاجة محتاجة ارميها، فافتح النلاجة عشان اجيبها فالاقى بواقى سندوتش من امبارح فاقرر انى أكله، فاطلعه يتسخن بعدين الاقى الميكروويف مش نضيف فاقرر انضفه، فارجع الاقى انى مكملتش غسيل المواعين فى الحوض، والخ الخ الخ لحد ما تعدى ساعة وانا لسه جوة بلف حوالين نفسى وبتنقل من مهمة للتانية بمنتهى العشوائية!
اختصارا لكل ده، الموضوع ابتدى بانى بتأكد ان بنتى معندهاش adhd وانتهى بشك شبه مؤكد ان انا عندى adhd.
ايه الاعراض التانية اللى اكتشفتها خلال رحلتى مع ال adhd؟ وايه السبب فى ال adhd ده وخصل لى ازاى؟ وايه الخطوات الجاية اللى اخدتها بعد الشك؟ هجاوب لكم عن كل ده البوست الجاى ❤️
انا بعتبر ان احمد ده هو اول حد شخصى بال adhd رغم ان هو شخصيا لحد النهاردة غالبا ميعرفش الموضوع ده ويمكن كمان ميكونش عارف ايه هو ال adhd 😀.. وانا كمان فى اللحظة دى مكونتش اعرف حاجة اوى عن الموضوع.
اللى حصل بعدها وفى نفس السنة تقريبا ان انا لسبب ما اتكعبلت فى فيديو بيتكلم عن ال adhd عند الاطفال .. وكأى ام قلوقة ابتديت افكر هل ممكن صوفيا يكون عندها adhd مثلا وانا مش واخدة بالى؟ ابتديت اقارن الاعراض المعروفة بتصرفات البنت .. وكانت المفاجأة والصدمة الكبيرة!!! .. انى اكتشفت ان دى تصرفاتى انا مش هى!!!!!!!
ايوة انا اللى اندفاعية وباخد قرارات سريعة جدا، يعنى مثلا ممكن تطلع فى دماغى اسافر بكرة الصبح هاخد شنطتى واسافر، ممكن ابقى معدية قدام محل واقرر اشترى حاجة بمبلغ محترم من غير حتى ما ادور فى السوق واعرف الاختيارات التانية والاسعار زى ما اغلب الناس بتعمل.
انا اللى مش بعرف اركز فى حاجتين فى نفس الوقت، يعنى لو مركزة فى الموبايل مش هسمعك حتى لو قعدت تتكلم جنبى ساعتين، وفى نفس الوقت لو مركزة فى حاجة بتعصب جدا لو حد قاطعنى وفقدت تركيزى لان فكرة انى "مركزة" دى بتعب اوى عشان اوصل لها فيا ويلك يا سواد ليلك لو بوظتها!
انا اللى عندى مشكلة فى ال auditorial instructions او التوجيهات السماعية فلو وقفت اسأل على اتجاهات الطريق وحد قال لى شمال فى يمين فى شمال هنسى كل اللى اتقال بعدها بثانية وهقف اسأل تانى وتالت ورابع.
انا اللى مش بعرف اركز فى الترينينج او لما بدخل كول زى اللى كنت فيها فى الشغل دى لازم تلاقينى بعمل مليون حاجة مختلفة وانا قاعدة بسمع عشان فى الواقع اللعب فى حاجة تانية ده هو اللى بيخلينى اركز فى اللى بيدخل ودانى (مش قلتى مبتركيز فى حاجتين فى نفس الوقت؟ لا .. القراية غير السمع .. وحسب انا محتاجة اركز على انهى فيهم 🤷🏻♀️ لا تعليق!)
انا اللى بتضايق من اصوات معينة (وكتيرة) زى خروشة الاكياس وطرقعة الصوابع والاصوات العالية بوجه عام.
انا اللى اعصابى بتفلت بصورة اطرادية عكسية تتناسب مع فترة الانتظار المفروضة عليا .. انتظار دورى فى البنك او عيادة الدكتور او حتى انتظارى ليك انك تقول جملة مفيدة او حكاية مترابطة!
انا اللى بقاطعك فى نص الكلام لان سرعة تفكيرى اسرع بكتير اوى من قدرتك على تحويل افكارك لكلمات خارجة من بقك! (سورى 🤷🏻♀️).
انا اللى بتعصب لو حد فتح نور مباشر قدام عينى وبفضَّل دايما اقعد فى اماكن باضاءة خافتة او غير مباشرة.
انا اللى ممكن لو خارجة اطلع وانزل من البيت ٥ او ٦ مرات عشان كل مرة نسيت حاجة. انا اللى اشهر جملة بقولها لصوفيا كل يوم هى: "نضارتى فين"، تليها شهرة جملة "موبايلى فين" وعلى طول مسقطة اشيائى والبنت الغلبانة ماشية تلم ورايا.
انا اللى ممكن ادخل المطبخ عشان احط كوباية فى الحوض ومطلعش منه غير بعد ساعة عشان ببص فى الحوض الاقى مواعين فاغسلها، واثناء الغسيل بفتكر حاجة فى التلاجة محتاجة ارميها، فافتح النلاجة عشان اجيبها فالاقى بواقى سندوتش من امبارح فاقرر انى أكله، فاطلعه يتسخن بعدين الاقى الميكروويف مش نضيف فاقرر انضفه، فارجع الاقى انى مكملتش غسيل المواعين فى الحوض، والخ الخ الخ لحد ما تعدى ساعة وانا لسه جوة بلف حوالين نفسى وبتنقل من مهمة للتانية بمنتهى العشوائية!
اختصارا لكل ده، الموضوع ابتدى بانى بتأكد ان بنتى معندهاش adhd وانتهى بشك شبه مؤكد ان انا عندى adhd.
ايه الاعراض التانية اللى اكتشفتها خلال رحلتى مع ال adhd؟ وايه السبب فى ال adhd ده وخصل لى ازاى؟ وايه الخطوات الجاية اللى اخدتها بعد الشك؟ هجاوب لكم عن كل ده البوست الجاى ❤️
0 comments